Athbhreithniú ar an gCuraclam

Thionscain CNCM dhá athbhreithniú ar Churaclam na Bunscoile. An chéad chéim den athbhreithniú, bhí sí dírithe ar thaithí na bpríomhoidí, na múinteoirí, na dtuismitheoirí agus na bpáistí le Béarla, leis na hAmharcealaíona agus le Matamaitic. Foilsíodh an t-athbhreithniú sin in 2005 agus tá an tuarascáil anseo.

Sa dara céim den athbhreithniú, dírítear ar thaithí na bpríomhoidí, na múinteoirí, na dtuismitheoirí agus na bpáistí le Gaeilge, Eolaíocht agus Oideachas Sóisialta, Pearsanta agus Sláinte (OSPS). Foilsíodh an t-athbhreithniú sin in 2008 agus tá an tuarascáil anseo.

Tosaíochtaí maidir leis an gCuraclam

Foilsíodh cuireadh poiblí don phobal a dtuairimí féin a chur in iúl faoi na tosaíochtaí i leith an churaclaim bunoideachais i mí Aibreáin 2011. Fuarthas 960 freagra ar fad, inar aithníodh sé cinn de thosaíochtaí i leith an bhunoideachais. Gheobhaidh tú an tuarascáil anseo.

Comhairliúchán ar Struchtúr an Churaclaim agus ar Am 

I mí na Nollag 2016, d’fhoilsigh CNCM dhá shraith moltaí maidir leis an gcaoi a bhféadfaí struchtúr difriúil a chur ar churaclam na bunscoile agus maidir leis an gcaoi a bhféadfaí am a leithdháileadh ar fud an churaclaim. Idir mí Eanáir agus mí an Mheithimh 2017, rinneadh comhairliúchán fairsing faoin dá shraith moltaí sin. Tugtar forléargas mionsonraithe sa tuarascáil chomhairliúcháin ar an bpróiseas comhairliúcháin iomlán.

• Seo nasc leis na moltaí comhairliúcháin uainn maidir le struchtúr agus am i gcuraclam na bunscoile
• Tá an Achoimre Fheidhmeach ar an Tuarascáil Deiridh anseo

Comhairliúcháin Churaclaim Eile

• Códú i mBunscoileanna: Tuarascáil Deiridh ar an Tionscnamh um Chódú i mBunscoileanna
• Curaclam Teanga na Bunscoile: Tuarascáil ar an gcomhairliúchán ar dhréachtchuraclaim Chéim 3 agus do Chéim 4
• Tuarascáil ar an gComhairliúchán maidir le Curaclam Matamaitice na Bunscoiledona Naíonáin Shóisearacha go dtí Rang a Dó
• Comhairliúchán ar na moltaí le haghaidh curaclaim in Oideachas faoi Reiligiúin agus Creidimh (ORC) agus Eitic: Tuarascáil Deiridh

Comhairliúchán le Tuismitheoirí

Is tábhachtach an ról atá ag guth an tuismitheora sa phlé faoin gcuraclam bunscoile a athbhreithniú agus a athfhorbairt. Le linn 2018, reáchtáil CNCM fiche seisiún grúpa fócais le tuismitheoirí a bhfuil páistí leo ag freastal ar an mbunscoil. Léigh an tuarascáil anseo.

Comhairliúchán le Páistí

Tá ról tábhachtach ag guth an pháiste freisin sa phlé faoin gcuraclam bunscoile a athbhreithniú agus a athfhorbairt. Tugtar achoimre ghairid sa tuarascáil seo ar phróisis chomhairliúcháin inar éist CNCM leis an méid a bhí le rá ag páistí maidir le forbairtí curaclaim ar an mbunleibhéal.