Tá an tsonraíocht do Ghaeilge na hArdteistiméireachta T1 dírithe ar chainteoirí dúchais agus ar fhoghlaimeoirí i scoileanna Gaeltachta agus ar scoláirí san earnáil a fheidhmíonn trí mheán na Gaeilge (Gaelcholáistí agus Aonaid Lán-Ghaeilge). I scoileanna a fheidhmíonn trí mheán an Bhéarla beidh an rogha ann an tsonraíocht T1 a chur ar fáil chomh maith.
Baileofar aiseolas agus dearcthaí trí shuirbhé ar líne, trí fhócasghrúpaí comhairliúcháin, trí chruinnithe déthaobhacha agus trí aighneachtaí scríofa.
Beidh an comhairliúchán ar oscailt go dtí an 30 Samhain 2021.
Tá fáil ar dhréachtsonraíocht Ghaeilge na hArdteistiméireachta T1 anseo.
Is féidir leat an suirbhé ar líne a chomhlánú anseo. Dúnfar an suirbhé ag 5in ar an Máirt, 30 Samhain 2021.
Reáchtáltar fócasghrúpaí comhairliúcháin chun aiseolas a fháil ó mhúinteoirí agus ó pháirtithe leasmhara ar dhréachtsonraíocht Ghaeilge na hArdteistiméireachta T1.
Tionólfar seisiúin faisnéise agus fócasghrúpaí comhairliúcháin le linn an tsamhraidh le geallsealbhóirí nach bhfuil baint dhíreach acu le suíomhanna scoile.
Ó mhí Mheán Fómhair ar aghaidh éascóidh, CNCM seisiúin faisnéise agus fócasghrúpaí comhairliúcháin le geallsealbhóirí inár bpobail scoile; múinteoirí, príomhoidí agus scoláirí iar-bhunscoile i suíomhanna a fheidhmíonn trí mheán na Gaeilge agus i suíomhanna a fheidhmíonn trí Bhéarla.
Le linn an chomhairliúcháin, reáchtálfar sraith de chruinnithe déthaobhacha idir CNCM agus geallsealbhóirí an oideachais agus na Gaeilge chun dréachtsonraíochtaí Ghaeilge na hArdteistiméireachta T1 agus T2 a phlé agus aiseolas a thabhairt.
Tionólfar cruinnithe déthaobhacha le linn an tsamhraidh le geallsealbhóirí nach bhfuil baint dhíreach acu le suíomhanna scoile.
Ó mhí Mheán Fómhair ar aghaidh, éascóidh CNCM cruinnithe déthaobhacha breise le geallsealbhóirí inár bpobail scoile.
Cuireann CNCM fáilte roimh aighneachtaí scríofa mar chuid den chomhairliúchán ar dhréachtsonraíocht Ghaeilge na hArdteistiméireachta T1.
Is féidir d’aighneacht a sheoladh chugainn trí r-phost ag comhairliuchanT1@ncca.ie. Glacfar le haighneachtaí go dtí 5.00in ar an Máirt, 30 Samhain 2021.
© 2025 An Chomhairle Náisiúnta Curaclaim agus Measúnachta. Gach ceart ar cosaint.